«Заң және Тәртіп» идеологиясын ілгерілету жөніндегі облыстық іс-шаралар жоспарына сәйкес 9–11 сынып оқушылары арасында «Қылмыссыз ортаны құру – қоғам міндеті» тақырыбында бірыңғай диктант ұйымдастырылды.

Абай облысы ББ «Семей қаласының білім бөлімі» ММ-нің 2026 жылғы наурыз айына арналған «Заң және Тәртіп» идеологиясын ілгерілету жөніндегі облыстық іс-шаралар жоспарына сәйкес 9–11 сынып оқушылары арасында «Қылмыссыз ортаны құру – қоғам міндеті» тақырыбында бірыңғай диктант ұйымдастырылды.

Аталған іс-шараға Экономикалық лицей оқушылары белсене қатысып, құқықтық сауаттылықтарын арттыруға, заң талаптарын құрметтеуге және қоғамдағы тәртіп пен қауіпсіздікті сақтаудың маңыздылығын түсінуге бағытталған білімдерін көрсетті.

Диктанттың негізгі мақсаты – жасөспірімдердің құқықтық мәдениетін қалыптастыру, құқық бұзушылықтың алдын алу, сондай-ақ әрбір азаматтың қоғам алдындағы жауапкершілігін ұғындыру болды.

Іс-шара жоғары деңгейде ұйымдастырылып, оқушылар тарапынан үлкен қызығушылық тудырды.