Әкем, шешем және мен – спорттық жанұя
Экономикалық лицейде 30 қараша күні Тұңғыш Президент күні және Тәуелсіздік күніне орай 6-сынып оқушылары арасында «Әкем, шешем және мен-спорттық жанұя» атты отбасылық спорттық сайыс өтті. Сайыстың мақсаты спорт пен дене тәрбиесі арқылы отбасылық ынтымақтастықты нығайту, лицей оқушыларын дене тәрбиесімен жүйелі түрде айналысуға баулу.
Аталмыш іс-шараға әр сыныптан барлығы 7 отбасылық команда қатысты. Сайыстар эстафета түрінде өткізілді. Отбасылық командалар бір-бірімен доппен жүгіру, секіртпелер арқылы жарысу, шарды көздеп ату, допты дәлдеп салу сияқты кезеңдерде өзара сынға түсті.
Сайыс қорытындысы бойынша 61-топтан шыққан Иманбаевтар отбасы І орын, 63-топтың атынан шыққан Худайкуловтар отбасы ІІ орынға, 62-топтың атынан шыққан Амангелдиндер отбасы ІІІ орынға ие болды. Сайыс жеңімпаздары мен қатысушыларына мақтау қағаздары мен сыйлықтар тапсырылды.
Сайыс қызықты да тартымды өтті.